قصتنا

تعرّفوا علينا

كيف بدأت قصتنا.

بداية لقاءنا كانت في وسط مجال التقنية. المجال اللّي ثلاثتنا كنّا نشتغل فيه. وما طال الوقت لين ما لاحظنا أن كلنا عندنا ميول رياديّة، وحبّ في بناء العلامات التجاريّة، ورغبة في إحداث نقلة نوعيّة وتغير قوانين اللعبة.

مع الوقت تطوّرت علاقتنا في بعض، ثلاثتنا لاحظنا شي مشترك بيننا:

للأسف (أو لحسن الحظ) اننا صرفنا كثير من وقتنا وجهدنا وثروتنا على شراء بوكسرات غالية، مبالغ في مدحها، ومن علامات تجاريّة معروفة، ومدعومة من الإنفلوينسرز. وزيّ ما تعرف يا صاحبي، ولا واحد منها كان قد الحماس. كلهم يا كانوا غير مريحين، أو ما يتحمّلون الكدّ. أو حتّى الأسوء؛ الأثنين مع بعض. 

ثلاثتنا كنّا مو مقتنعين، وواثقين ان في شي غلط، وأنّ أكيد في طريقة أفضل، وقلنا في أنفسنا "الموضوع عندنا خلاص، لازم نغيّر اللعبة"

ايش هو أندرقودز

احنا علامة تجاريّة عربيّة ومحليّة، بدينا في دبي. ووصلنا للسعوديّة والكويت وطموحنا نروح لأبعد.
احنا ما نحب نطوّلها وهي قصيرة، وما عندنا لف أو دوران.
احنا نبغاك (من جد) تحسّ بالراحة اللّي نحسّها احنا مع منتجاتنا.

لو ما كنت تحسّ براحة خرافيّة وانت لابس بوكسر، يعني انت مو لابس أندرقودز 

المؤسسين

طارق يافي
طارق هو النينجا حقنا، خبرة في التقنية، والبيانات والتجارة الإلكترونيّة. طارق يسهر الليالي عشان يستقطب زوّار على موقعنا الرسمي ويعطيهم أفضل تجربة تسوّق ممكنة.

بلال قبّاني
بلال هو الوجه الإبداعي والأب الروحي لعلامتنا التجاريّة. هو كذلك مسؤول عن تصميم المنتجات والأمور الماليّة. وما يحتاج نقول يعني، لكن بلال ما يتنازل عن الراحة أبد.

ريّان كركي
ريّان يقود عمليات التمويل، العلاقات العامة، وعلاقات المستثمرين. ريّان إنسان عنده بصيرة ورؤية، وأكبر محفّز لنا لنفكّر بشكل أكبر وأبعد.

فريقنا اللّي ينمو كل يوم فريق عمل أندرقودز يشمل ناس غريبة، إبداعيّة ورهيبة وعندها خبرة في شتّى المجالات مثل تجربة العملاء، تصميم الجرافيك، الكتابة الإعلانيّة، الإنتاج والدعاية والإعلان وغيره.. يدّ واحدة ما تصفّق زيّ ما يقولون. واحنا نعرف ونؤمن بهذا من قلب. كلّنا نشتغل عن بعد، من البرتغال ومصر، السعوديّة والإمارات وكل اللّي بينهم وأبعد عنهم (وكلّنا طبعًا نلبس أندرقودز). مهتم تشتغل معنا؟ ارسل لنا إيميل وراح نردّ عليك 🫶🏼